ليه كل حاجه حلوه عمرها قصير ليه كل شئ في عيونا دايما بيتغير ....

ليه كل حاجه حلوه عمرها قصير ليه كل شئ في عيونا دايما بيتغير ....يا ترى ليه....؟؟؟

ممكن الاسئله دى اى شخص يسألها لنفسه خاصة لما يكون واقع فى مشكله او مخنوق او مكتئب شويه وساعات مش بنلاقى عليها اجوبه مقنعه...وبعد كده نلجأ إلى اليأس من الحياه التى لا مفر منها........وده ممكن يكون الحوار :-

ليه دايما الفرحه مش بتستمر ؟؟؟

والله انا بدات احس ان حرام الواحد يكون فرحان
وكأنه ذنب انت عارف لو الحاجة الكويسة ماتجيش من الاول اصلا
كده هيبقى احلى يعنى خلاص كده كده هتعيش حياتك زى ماهى
لكن لو ربنا كرمك وحققت اللى انت عاوزه وكنت طاير من الفرحة فجاة وبدون سابق انذار كل دا بيضيع وبتبقى نتيجة ده عليك اكبر بكتير من انك كنت فى الاول انسان عادى ومش فارق معاك

يا تري احنا اللي غلط ؟؟؟
احنا مش بنقدر نحافظ على اوقاتنا الحلوة
لسبب بسيط جدا عادة الحاجات الكويسة دى بيكونوا اشخاص قريبين مننا هما السبب فيها وهما السبب برضه فى تحويل حياتنا لجحيم


يا تري احنا اللي بايدينا ان احنا تخليها دايما جوه قلوبنا ؟؟
انا شايفة ان احساس السعادة ده نادر اوى
لكن طول ما احنا راضيين بأمر ربنا يبقى تمام
مفيش حد سعيد علطول ولا تعيس علطول

ايه السعاده بالنسه ليك ؟؟
السعادة بالنسبة ليا لما اكون حاسة انى كبيرة اودام نفسى وقادرة اخلى كل اللى حواليا يحبونى وكمان نظرة اهلى ليا وهما فرحانين بيا اكتر من كده مش عاوزة


يعني ايه اللي المفروض يحصل عشان تبقي سعيد ؟؟
بصراحة صعبة دى
نفسى اللى حواليا يفهمونى
وكمان الناس اللى حواليا تكون اد الحب والثقة اللى انا بعطيهم لهم

الحزن بقي


ليه دايما الحزن جوه قلوبنا ؟؟؟؟؟
ده العادى انا لو يوم نمت مش متنكد عليا خصوصا اخيرا يبقى ده شىء مش طبيعى
بجد حاجة عادة تخنق
والله احيانا الواحد بيضحك ويهزر وهو من جواه بيتقطع وبيموت

ياتري برده احنا اللي غلط ؟؟؟؟
هقولك برضه اه غلط فى اختياراتنا وفى علاقتنا بللى حوالينا


يا تري بادينا نلغي الحزن ده من جوانا ؟؟
لو انت قدرت تلغيه هتلاقى الف مين بيتفنن عشان ينكد عليك والكارثة انهم اللى المفروض بيحبوك
ده حوار طبيعى ممكن يدور بين اى انسان ونفسه لكن لازم نعرف الاجابه اللى لازم نرد بيها على نفسنا لوسألتنا بعد كده السؤالين دول:-

كل حاجه فعلا عمرها قصير وده بيرجع الى اراده الله عز وجل

حتى الانسان مش ضامن عمره وممكن يموت فجأه ونقول عمره قصير

كل شىء بيجى عليه يوم بينتهى سواء كان حلو او وحش دى اراده من عند الله

وربنا قال ( ولا تقرهوا شىء وهو خير لكم & ولا تحبوا شىء وهو شر لكم )
اكيد كل شىء فى عيونا بيتغير مافيش حاجه بتفضل على حالها

حتى الانسان بيتغير ولا زم يكون فى تغير وطابعا التغير ده يكون من الاسوء الى الافضل

وكمان كل حاجه بتتغير من حوالينا علشان نعيش لو فضلت كل حاجه زى ماهيا ممكن نمل

حتى الانسان لمه بيحس انه عنده نوع من الملل او الاكتئاب بيروح يغير جو ويشوف مناظر تانيه

ودى اكيد اتغيرت كل حاجه من قدام عنيه

يارب اكون افدتك يا اخ احمد وافدت كل الاعضاء الكرام